Reĝa Astronomia Observatorio en San Fernando

Vizito programita la 30-an de Oktobro je la 11.15 matene.

La Reĝa Instituto kaj Observatorio de la Armeo en San Fernando ekestis en la 18-a jarcento per iniciato kaj propono de la fama maraoficiro kaj sciencisto Jorge Juan en 1753 sub la nomo “Reĝa Observatorio de Cadiz”. Ekde tiam la nova observatorio, kiu estas la plej suda en Eŭropo, gajnis meritan prestiĝon ene de la eŭropa astronomio pro siaj gravaj sciencaj verkoj kaj pro la teknika kaj scienca apogo al klerismaj ekspedicioj de la lasta triono de la 18-a jarcento.

Laŭlonge de siaj 250 funkciantaj jaroj ĝi akiris novajn rolojn gravajn por la sciencoj kaj la hispana armeo, nome kalkulon de astronomiaj efemeridoj, eldonadon de la Naŭtika Almanako, meteorologian kaj magnetan kaj sisman observadon, kaj sciencan determinon de la monda horo. Ankaŭ ĝi havas kolekton de astronomiaj kaj maraj instrumentoj, kaj ĉefe tre gravan kolekton da malnovaj astronomiaj inkunabloj.

roasf19aroasf_facadVidaĵo panorama del Observatorio en 1928 kaj nuntempe.

Advertisements